1 Papeleo Antes de regresar a Galicia terás unha morea de formalidades que cumprir, entre as que destacan: Proporcionar á túa Universidade o enderezo onde vas vivir, para que che envíen o título ou calquera outra comunicación. Contactar coas compañías telefónicas, de electricidade, etc. para cancela-lo seu servicio. Cancela-la conta do banco e das entidades emisoras de tarxetas de crédito. Ir pedir a correos que reenvíen o teu correo a casa dun amigo de confianza, en calquera sitio dos Estados Unidos. Pedi-la baixa consular, en caso de que volvas a España, ou pedir que che trasladen a documentación a outro consulado se vas vivir fóra de España. Esta baixa consular será necesaria para pasa-la alfándega con ordenadores, coches ou outro material que teñas que declarar. Pedirlle ó propietario a túa fianza, se deixaches algún depósito. Cancelar ou facer cambios coas revistas e servicios ós que esteas subscrito. Empezar a enviar caixas coas túas cousas por correo ou compañías privadas, xa que tarda como mínimo un mes. Vender mobles, libros, o coche e demais cousas que non vaias levar contigo de volta a casa.